Термичка обработка

Месото од живина може да се приготвува на многу различни начини; може да се пече, пржи, динста или вари. Сепак, бидете внимателни да не претерате со температурата.

Внимавајте на високите температури

Кога термички го приготвувате месото, внимавајте да не претерате со печењето, пропржувањето или пржењето на месото, затоа што тоа може да предизвика појава на штетни супстанции. Освен тоа, прекумерното загревање на месото ја намалува хранливата вредност. Термометар за месо е многу корисна идеја. Најголемиот број штетни микроорганизми се уништуваат на 74°C кај помалите парчиња и на 82°C кај поголемите парчиња.

Маринирање и полнење

Кога го маринирате месото, се препорачува да ја сварите маринадата од сировото месо пред да ја користите за готвеното на месото. Полнете го месото пред термичката обработка (најчесто печење или пржење).

Печење

Која е тајната на печеното месо кое го побудува нашиот апетит? Главниот виновник е топлината. Таа ги коагулира протеините на површината на месото и спречува истекување на вкусниот сок од месото. Во исто време, топлината дава примамлива арома, привлекувајќи нè со ветување за сочност, кревкост и извонреден вкус, без оглед дали месото од живина се приготвува во рерна или во тава. Кога печете цело пиле или парчиња пиле во рерна, оставете ја кожата. Месото ќе остане кревко и сочно.

Пржење

Пржењето е еден од најпопуларните начини за приготвување месо од живина. Вкусната кора од брашно, јајца и лебни трошки (виенски стил) или брашно и јајца (париски стил) има неколку цели. Таа не само што спречува апсорпција на масти, од местото каде што се пржат деликатесите, туку исто така помага хранливите супстанции и вкусниот сок да останат во месото.

Варење

Китка зеленчуци за супа, парче месо од живина и малку трпение се основата на добрата супа од живина која го окрепува телото и ги буди сетилата. Тајната на нејзиното приготвување лежи во бавното варење, бидејќи откако ќе зоврие водата треба полека да вари. Совет: за навистина вкусна супа од живина, користете постаро животно. Постарите животни содржат малку повеќе протеини и умерена количина масти, што придонесуваат за побогат вкус на супата.

Динстање

Динстањето е вообичаен начин за подготовка на месо од живина, оставајќи го месото бавно да се готви во мала количина течност. Предноста на ваквата техника на готвење е тоа што таа дава одлични сосови зачувувајќи ја аромата, а во исто време месото ги задржува кревкоста и сочноста. За динстање треба да се користат помали парчиња.

Готвење на пареа

Готвењето на пареа од неодамна стана многу популарно бидејќи овозможува приготвување на храната во согласност со принципите на поздрава исхрана која дава многубројни предности. Готвењето на пареа долго време се сметаше за неинтересен начин за приготвување оброци од месо како резултат на конотацијата дека тоа е начин за приготвување на храната кога се држи диета. Таквото месо не само што е здраво, ги зачувува бојата, витамините и минералите, туку тоа има и побогат, пополн и посочен вкус.