Мисиркиниот копан го засекуваме (или прободуваме) до коската. Маслото добро го мешаме со мајчината душица, солта и црниот пипер и со маринадата го триеме копанот. Оставаме 20 минути месото да се маринира. Потоа копанот го ставаме во рерна, загреана на 180 °C и печеме 45 минути.

Од печениот мисиркин копан ја отстрануваме кожата, а месото со виљушка го кинеме во форма на влакна.

Го подготвуваме преливот така што грчкиот јогурт го мешаме со мајонезот, власецот и солта. Црвената зелка ја рендаме на тенки парчиња и го додаваме сокот од лимот за да не ја загуби бојата.

Земичките ги сечеме на половина и од пресечената страна ги пржиме во тава на малку путер. Врз долните половини од земичките ставаме кисела и свежа зелка и мисиркиното месо, одозгора го ставаме пржениот кромид, преливаме со преливот од јогурт и ги покриваме со горните половини од земичките.